Azərbaycan, Bakı, 24 may / Trend , müxbir S.Babayeva/ Yanvar-apreldə Azərbaycanın nəqliyyat vasitələrilə 9421 min ton yük daşınıb, bu da 2007-ci ilin anoloji dövr göstəricisilə müqayisədə 68 faiz çoxdur. Bu barədə Dövlət Gömrük Komitəsindən bildirilib. Sözügüdən dövr ərzində yük ixracı - 6360,1 min ton, yük idxalı - 3060,9 min ton təşkil edib.
Komitədən verilən məlumatda bildirilir ki, yanvar-apreldə dəniz nəqliyyatı ilə215,7 min ton, dəmir yoluyla - 1095,3 min ton, avtomobillə - 203,1 min ton, hava nəqliyyatı ilə -1,5 min ton yük ixrac olunub, boru kəməri vasitəsilə - 4841,3 min ton nəql edilib.
Üç ay ərzində tranzit yolu ilə Azərbaycan ərazisindən 2261 min ton yük daşınıb, bu da ötən ilin anoloji dövrü ilə nisbətdə 43 faiz çoxdur.
Tranzit yolu ilə Azərbaycandan İsveçrəyə 679,5 min ton, İtaliyaya - 709,2 min ton, Gürcüstana -343,9 min ton, Tacikistana - 160,1 min ton, Türkiyəyə - 87,9 min ton, İrana - 101,8 min ton, Rusiyaya - 73,4 min ton, Qazaxıstana - 11,9 min ton, Türkmənistana - 53,9 min ton yük daşınıb.
