Azərbaycan, Bakı, 31 may/ Trend , müxbir İ.Xəlilova/ Bank olmayan kredit təşkilatı TBC Credit (əvvəllər SOA Credit adlanıb) Avropa Yenidənqurma və İnkişaf Bankı (AYİB) və Beynəlxalq Maliyyə Korporasiyası (BMK) ilə ipoteka kreditləşməsi üçün vəsaitin cəlb edilməsinə dair danışıqlar aparır. Bu barədə Gürcüstanın TBC Bank-nın baş direktor müvini Zezva Siskarişvili məlumat verib. Bank kredit təşkilatının səhmlərinin 75 faizinə sahibdir.
İki-üç həftə ərzində TBC Credit vasitəsilə ipoteka kreditlərinin verilməsi üçün cəlb olunacaq maliyyələşdirmə həcmi müəyyən ediləcək. Lakin Siskarişvili bildirib ki, BMK ilə danışıqlar hələ ilkin mərhələdədir.
"Düşünürük ki, regionda işləyən bütün institutlar TBC Credit ilə fəal əməkdaşlıq edəcəklər", - Gürcüstan bankının baş direktor müavini qeyd edib.
TBC Credit ipoteka kreditləşməsinə 2002-ci ildən başlayıb. Kredit təşkilatının ipoteka proqramı kommersiya şərtləri ilə maliyyələşdirməyə əsaslanır. Bu şərtlər ilk dəfə olaraq 2006-cı ilin iyulunda dəyişikliklərə məruz qalıblar. O üç il bundan əvvəl başlayıb. Milli Bankın nəzdində fəaliyyət göstərən Azərbaycan İpoteka Fondunun şərtlərindən fərqli olaraq, TBC Credit təmir, torpaq alışı, bir ailə üçün evlərin tikintisinə ipoteka kreditləri ayırır. TBC Credit-in fərqli xüsusiyyəti belədir ki, o, girov qismində alınan mənzili deyil, digər daşınmaz əmlakı götürür. İlkin ödəniş 20 faiz təşkil edir.
Mənzil alqısı üçün kreditin maksimal həcmi $100 min, təmir üçün isə $50 min təşkil edir. Ötən ilin yayında kreditləşmənin dayandırılmasınadək AİF-in ayırdığı adi ipoteka kreditləri, maksimum 50 min manat, sosial ipoteka üzrə 35 min manat həcmindədir. Kredit təşkilatı mənzil maliyyələşdirməsini illik 16 faiz dərəcə ilə, 12 ilədək müddətlə həyata keçirir.
Bu gün TBC Credit-in kredit portfelinin yarısı ipoteka kreditlərinin payına düşür. Kredit portfeli $14 mln.-a çatır. İlin sonunadək bu rəqəmi $30-40 mln.-dək artırmaq planlaşdırılır.
2008-ci ilin əvvəlində TBC Bank-ın daxil olmasınadək TBC Credit-in 100 faizlik təsisçisi Amerikanın Shorebank qrupuna daxil olan Shorebank International beynəlxalq konsaltinq firması olub.
Ötən ilin yekunları üzrə, TBC Credit-in aktivləri $10,5 mln. təşkil edib. 2008-ci ilin sonunadək bu rəqəmi $40 mln.-a çatdırmaq planlaşdırılır.
Müəlliflə əlaqə saxlamaq üçün elektron ünvan: [email protected]
