Azərbaycan, Bakı, 06 iyun/ Trend , müxbir Ü.İsmayılova/ Azərbaycanın Daşınmaz Əmlakın Dövlət Reyestri Xidməti "vahid pəncərə" sisteminə keçmək niyyətindədir. Bu, daşınmaz əmlakın qeydiyyat dövrünün 3 günədək azaldacaq. Bu barədə cümə axşamı dövlət xidmətinin rəhbəri Arif Qaraşov məlumat verib.
"Dövlət xidməti Dünya Bankı layihə çərçivəsində, artıq daşınmaz əmlakın avtomatlaşdırılmış reyestri sisteminə keçməyə başlayıb", - Qaraşov bildirib.
Azərbaycan hökuməti və Dünya Bankı (DB) 2007-ci ilin iyulunda daşınmaz əmlakın vahid kadastrı sisteminin birgə tətbiqi haqqında saziş imzalayıblar.
Layihə dörd komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkməsi və torpaq kadastrı; treninqlər, siyasətin və layihənin idarə edilməsinin formalaşdırılması. Layihənin dəyəri $38,57 mln.-dır və bunun $30 mln.-u DB-nin kreditinin payına düşür. Kredit ehtiyatları 5 il güzəştli dövr olmaqla 20 il müddətinə ayrılıb.
Hazırda dövlət xidmətinin mövcud 20 dairəvi idarəsindən 13-ü artıq əmlakın qeydiyyatı üçün avtomatlaşdırılmış sənədləri qəbul edir.
Qaraşovun əvvəllər bildirdiyinə görə, Azərbaycanda "vahid pəncərə" sisteminə tam keçid 2011-ci ildə, DB ilə girgə layihənin daşınmaz əmlakın qeydiyyatı haqqında birinci əsas komponentinin reallaşdırılmasından sonra mümkün olacaq.
Daşınmaz əmlakın ilkin qeydiyyatı üçün sahənin statusunu göstərən sənəd, tikinti layihəsi, layihənin dövlət qəbul komitəsi tərəfindən təsdiqlənməsi, ailə üzvlərinin qeydiyyatı tələb olunur.
"Bütün Azərbaycan üzrə tikililərin təqribən 85 faizi artıq Daşınmaz Əmlakın Dövlət Reyestri Xidmətində qeydiyyatdan keçib", - Qaraşov bildirib.
Müəlliflə əlaqə saxlamaq üçün elektron ünvan: [email protected]
