Azərbaycan, Bakı, 13 iyun / Trend / "Bank Respublika"nın aktivləri bu ilin əvvəlindən 16,5% artaraq, 2008-ci il iyunun 1 nə 295 mln. manat olub. Bu barədə bankın cümə günü yayılan məlumatında bildirilir.
Bankın kredit portfelinin həcmi isə, bu ilin yanvar-may ayları ərzində 33% artaraq, 211,9 mln. manata çatıb.
Müştərilərin depozitləri hesabat dövründə 18,9% artaraq 132,5 mln. manatı keçib. Əhalinin əmanətlərinin həcmi isə 18,6% artaraq bu ilin 1 iyun tarixinə 62,1 mln. manat olub.
"Bank Respublika"nın 2008-ci ilin yanvar-may ayları ərzində məcmu kapitalı 44,4% artaraq, 34,1 mln. manata çatıb. 1 iyun 2008-ci il tarixinə Bankın Nizamnamə kapitalı 12,6 mln. manat olub.
"Bank Respublika"nın bu ilin yanvar-may ayları ərzində gəlirləri 20,8 mln. manat, xərcləri isə 15,9 mln. manat təşkil edib. Bu dövr ərzində Bankın balans mənfəəti 4,9 mln. manat olub.