Azərbaycan, Bakı, 14 iyun/ Trend , müxbir İ.Xəlilova/ "Azərbaycan İnvestisiya Şirkəti" SC 2008-ci ilin sonunadək şirkətin 90 mln. manat səviyyəsində formalaşmış Nizamnamə kapitalının mənimsənilməsini başa çatdırmağı planlaşdırır. Bu barədə AİŞ icraçı direktorunun müavini Riad Qasımov məlumat verib. Bu gün AİŞ beş layihənin maliyyələşdirilməsi üçün 55,2 mln. manat investisiya yatırıb.
İlin sonunadək "İstehsal Kommersiya MKT" MMC ilə toxuculuq fabrikinin tikintisinin təşkili, Cənubi Koreyanın STX şirkətiylə isə gəmiqayırma zavodunun tikintisi üzrə daha iki layihəyə investisiya yatırılması üzrə qərar qəbul etmək planlaşdırılır. Toxuculuq layıhəsinə 20 mln. manat yatırmaq planlaşdırılır və onun Müşahidə Şurasında iyulun sonunda təsdiq ediləcəyi gözlənilir. AİŞ-də qalan 15 mln. manat həcmində vəsait şirkətin gəmiqayırma zavolunun tikintisində iştirak payı üçün (10 faiz) kifayət deyil. Qasımov hesab edir ki, vəsaitin qalan hissəsi növbəti ildə ödənilə bilər. Bundan əlavə, səhmdar müqavilənin payızadək imzalanması gözlənilir və müvafiq olaraq tikinti işləri 2008-ci ilin sonu - 2009-cu ilin əvvəlinə başlamayacaq.
"Biz birinci tranşı bu il, qalan vəsaiti isə iri layihələrlə etdiyimiz kimi növbəti yarım ildə ödəyə bilərik", - Qasımov qeyd edib.
Direktor müavininin sözlərinə görə, vəsaitlərin mənisənilməsinin başa çatması ilə əlaqədar, AİŞ ilin sonuna gələcək kapitallaşdırma ilə bağı hökuətə müraciət etməyi planlaşdırır. İnvestisiya şirkətinin Nizamnamə kapitalına əlavə vəsaitin yenidən ölkənin Dövlət Neft Fondundan köçürüləcəyi gözlənilir. Hazırki mərhələdə AİŞ-in kapitallaşdırılması dövlət vəsaitləri hesabına davam etdiriləcək.
Ölkə hökuməti Cənubi Koreyanın KEPKO şirkəti tərəfindən birinci özəl istilik elektrik stansiyasının tikintisinə dair layihənin reallaşdırılmasını təqdir etdiyi halda, şirkət yalnız bu layihəyə $80 mln.-dək investisiya yatırmaq niyyətindədir. Buna müvafiq olaraq AİŞ-in kapitalı 100 mln. manat artırıla bilər.
İnvestiyiya şirkəti qeyri-dövlət subsidiyalarının hesabına vəsait cəlb edə bilər. Bu məsələ şirkətin Müşahidə Şurasının səlahiyyətindədir. Lakin əsas məqsəd xaricdən vəsait cəlb edə və öz qiymətli kağızlarını yerləşdirə bilən şirkətin qurulmasıdır.
Yeganə problem ondadır ki, şirkətin kredit tarixi azdır. Lakin AİŞ dövlət strukturudur. O, üç il fəaliyyət göstərdikdən sonra əlavə maliyyələşdirmə cəlb edə bilər.
Azərbaycan İnvestisiya Şirəktinin minimal investisiyasının məbləği 1 mln. manatdır. Maksimal limit bir layihəyə və ya onunla törəmə struktura AİŞ kapitalının 20 faizi səviyyəsində müəyyən edilib. Bu gün limit 18 mln. manatdır, lakin AİŞ-in kapitalı artdıqca dəyişəcək.
AİŞ ölkə prezidentinin 2006-cı il 30 mart tarixli qərarı ilə yaradılıb.
Müəlliflə əlaqə saxlamaq üçün elektron ünvan: cap
