Azərbaycan, Bakı, 16 iyul/ Trend , müxbir İ.Xəlilova/ Böyük Britaniya Azərbaycana yatırılan sərmayələrin həcminə görə lider mövqeyini qorumaqda davam edir və birinci yarımildə onun xüsusi çəkisi xarici sərmayələrin ümumi həcminin 46 faizini təşkil edib. Bu barədə çərşənbə günü Dövlət Statistika Komitəsindən məlumat veriblər. Buna baxmayaraq, onun sərmayələri ötən ilin analoji dövrü ilə müqayisədə 6,8 faiz azalıb və 526,558 mln. manat olub.
Yanvar-iyun ərzində xarici ölkələr və beynəlxalq təşkilatlar tərəfindən Azərbaycan iqtisadiyyatına yatırılmış sərmayələrin 93,6 faizi (1070,5 mln. manat) Böyük Britaniya, ABŞ, Yaponiya, Norveç, Türkiyə və Cənbui Koreyadan olan sərmayədarların payına düşür.
Amerika sərmayələri 17,2 faiz azalaraq 247,701 mln. manat (xüsusi çəkisi 21,7 faiz), yapon - 18,9 faiz azalaraq 126,838 mln. manat (11,1 faiz), Norveç - 19,2 faiz azalaraq 79,199 mln. mln. manat (6,9 faiz), Türkiyə - 18,7 faiz azalaraq 62,768 mln. manat (5,5 faiz), Cənubi Koreya - 27,39 mln. manat (2,4 faiz) təşkil edib. Fransanın sərmayələri 2,7 dəfə artaraq 12,786 mln. manat (1,1 faiz), İran - 23,5 faiz azalmaqla - 9,349 mln. manat (0,8 faiz), Almaniya - 52,3 faiz azalmaqla 8,819 mln. manat (0,8 faiz), Rusiya - üç dəfə artmaqla - 2,954 mln. manat (0,3 faiz) və s. təşkil edib.
BMİ-dən ən böyük 8,303 mln. manat həcmində sərmayə 47,4 artımla və xüsusi çəkisi 1,4 faiz olmaqla, Dünya Bankı tərəfindən yatırılıb. Asiya İnkişaf Bankı birinci yarım- ildə Azərbaycanda reallaşdırılan layihələrə, azalma 40,1 faiz olmaqla, 5,512 mln. manat (0,5 faiz), AYİB - azalma 14,7 faiz olmaqla, 5,442 mln. manat (0,5 faiz), ), İslam İnkişaf Bankı - azalma 16,3 faiz olmaqla, 2,991 mln. manat (0,3 faiz), Küveyt İqtisadi İnkişaf Fondu - artım 35,5 faiz olmaqla, 2,446 mln. manat (0,2 faiz) vəsait yatırıb.
İyulun 16 -na olan cari məzənnə - 0,8054 AZN/USD.
Müəlliflə əlaqə saxlamaq üçün elektron ünvan: [email protected]
