Azərbaycan, Bakı, 17 iyul/ Trend , müxbir Ü.İsmayılova/ Azərbaycanda yanvar-iyunda 596,7 min kvadrat metr daşınmaz əmlak istismara verilib ki, bu da 2007-ci ilin analoji dövr göstəricisindən 212,1 faiz çoxdur, - cümə axşamı Azərbaycan Dövlət Statistika Komitəsindən bildiriblər.
İstismara verilən daşınmaz əmlak obyektlərinin ümumi həcmindən 2,7 min kvadrat metr ümumtəhsil məktəblərinin, 77 min kvadrat metr xəstəxanaların, 9 min kvadrat metr ambulator poliklinikaların, 440 min kvadrat metr məktəbəqədər uşaq müəssisələrinin payına düşüb.
İlk yarımildə Azərbaycanın tikinti sektorunun əsas fondu 538,2 mln. manat təşkil edib ki, bunun da 340,7 mln. manatı istehsal təyinatlı obyektlərin payına düşür.
Azərbaycanda yanvar-iyunda tikinti-montaj işlərinə əsas sərmayələrdən 2233,5 mln. manat ayrılıb.
