Azərbaycan, Bakı, 30 iyul/ Trend / Azərbaycanın "Meliorasiya və su təsərrüfatı" ASC-si Azərbaycanın regionlarında suvarma-drenaj kanallarının bərpası və suölçən qurğuların tikintisinə dair təkliflərin qəbulunu elan edib.
ASC-nin məlumatında bildirilir ki, işlər Azərbaycan hökuməti və Beynəlxalq İnkişaf Assosiasiyası (İDA) arasında kredit sazişi çərçivəsində aparılacaq.
İşlərə Zərdab rayonunda hidrotexniki qurğuların və su kanalının bərpası, həmçinin İsmayıllı, Qəbələ, Oğuz, Şəki, Qax, Zaqatala və Balakəndə 42 suölçən qurğunun tikintisi daxildir.
İşlərin reallaşdırılmasında maraqlı olan şirkətlər öz təkliflərini sentyabrın 5-dək təqdim etməlidirlər. Tender proseduru eyni gündə ASC-də baş tutacaq. Tenderdə iştirakın dəyəri 200 manatdır.