Azərbaycan, Bakı, 11 noyabr/ Trend , müxbir Ü.İsmayılova/ Azərbaycanın yeni sığorta şirkəti "Gala Sigorta" ASC maliyyə böhranının biznesə təsir edəcəyini gözləmir. Bu barədə çərşənbə axşamı şirkətin idarə heyətinin sədri Abbas Bağırov bildirib.
"Hələ şirkətin biznes planının təşkili zamanı, təsisçilər girov əmlakının sığortasına arxayın olmayıblar", - deyə Bağırov bildirib.
Onun sözlərinə görə, şirkət sığortanın 11 növü üzrə xidmət göstərir, onlardan beşi icbari, altısı isə könüllüdür (tibbi sığorta, məsuliyyət sığortası, yük sığortası, əmlak sığortası, bədbəxt hadisələrdən sığorta, girovsuz avtomobil və mülk sığortası).
Bağırov əvvəllər bildirib ki, "Gala Sigorta" turistlərin, tikinti-montaj risklərinin və maliyyə risklərinin sığortalanması üzrə lisenziya almaq üçün yeni qaydalar hazırlayır.
"Gala Sigorta" ASC sığorta fəaliyyəti göstərmək üçün iyulun 31-də Azərbaycan Maliyyə Nazirliyindən lisenziya alıb. Azərbaycanın yeganə təkrar sığorta şirkəti olan "AZRE tekrarsigorta", şirkətin təsisçisidir. Şirkətin nizamnamə kapitalı 1 mln. manat səviyyəsində müəyyən olunub.
Azərbaycanın ilk təkrar sığorta şirkəti olan "AzRe" 2007-ci il noyabrın 7-də təkrar sığorta fəaliyyəti göstərmək üçün Azərbaycan Maliyyə Nazirliyindən lisenziya alıb. Şirkətin nizamnamə kapitalı 2 mln. manat təşkil edir. Altı fiziki şəxs şirkətin səhmdarıdır. "Gala Sigorta" həm yerli, həm də regional sığorta, təkrar sığorta və təkrar sığorta vasitəçilərinə Non-life sığorta xidmətləri göstərir.
Məqalə müəllifi ilə əlaqə ünvanı - [email protected]
