Azərbaycan, Bakı, 11 noyabr/ Trend , müxbir İ.Xəlilova/ "2009 - cu ilin dövlət büdcəsi xərclərinin artım templərinin azalması Azərbaycan hökumətinin maliyyə - kredit siyasətinin sərtləşməsi ilə diktə olunub", - Hesablama Palatasının sədri Heydər Əsədov çərşənbə axşamı Milli Məclisin 2009-cu ilin dövlət büdcəsi layihəsinin müzakirəsi üzrə plenar iclasında bildirib.
"Ötən illərlə müqayisədə dövlət xərclərinin artım templəri xeyli azalıb", - Əsədov əlavə edib.
Gələn ilin dövlət büdcəsinin məxaric hissəsinin strukturunda yeniliklərdən biri də yerli xərclərin artım templərinin mərkəzləşdirilmiş xərclərin artım templərini ötməsidir ki, bu da Azərbaycanın regionlarının inkişafı ilə bağlıdır. Dünya bazarlarında neftin qiymətindəki tərəddüdlərlə əlaqədar, topdan və ixrac qiymət arasındakı fərqdən əldə olunan vəsaitlərin 30 faizi dövlət büdcəsinə veriləcək. 2008 - ci ildə bu xərclər 28 faiz səviyyəsində olub.
Azərbaycanın ərzaq təhlükəsizliyinin təmin edilməsi və dünya bazarlarından asılılığın götürülməsi üçün 2009-cu ilin dövlət büdcəsində ilk dəfə olaraq 60 mln. manat ayrılıb, - Əsədov bildirib. Bundan əlavə, xəzinədə elmin inkişafı üçün Fondun yaradılmasına da vəsaitlər nəzərdə tutulub.
Gələn ilin dövlət büdcəsinin üstünlüklərindən biri də bəzi dövlət orqanları tərəfindən proqnoz göstəricilərinin şişirdilməsi hallarının azalmasıdır.
"Bizim məlumatlarımıza görə, belə təşkilatlar üçün xərclər bir neçə dəfə azaldılıb", - Palata rəhbəri bildirib. O, bu qurumların adlarını açıqlamaqdan imtina edib.