Azərbaycan, Bakı, 15 noyabr / Trend , müxbir İ.Xəlilova/ İslam İnkişaf Bankı (İİB) Mil-Qarabağ kollektorunun bərpa layihəsinin hazırlığı üçün qrant ayrılmasına razılıq verib, - şənbə günü Azərbaycan hökumətindən deyiblər.
İslam Bankının 347,05 min dollar məbləğində ümumi texniki yardımından məsləhət xidmətlərinin maliyyələşməsi və zəruri avadanlığın alınması üçün 195,375 min dollar ayrılacaq.
İİB-nin texniki yardımı Azərbaycan hökumətilə əməklaşlıq proqramı (2007-2010-cu illər üçün) üzrə, bankın 2008-ci il üçün büdcəsi çərçivəsində təqdim olunub. İslam bankı 2010-cu ildə layihənin maliyyələşməsinə 35 mln. dollar məbləğində kredit ayırmağı planlaşdırır.
Layihənin dəyəri onun qiymətləndirilməsi gedişində dəqiqləşdiriləcək. İslam Bankının güzəştli kreditlərinin maksimal məbləği 7 mln. islam dinarıdır (10,5 mln. dollar), güzəştli maliyyələşmə yalnız infrastrukturun inkişafına ayrılacaq.
Bankın buvaxtadək Azərbaycanda dövlət təminatı altında maliyyələşdirdiyi layihələrdən 141 mln. dollar dəyəri olan cəmi 5 layihə kommersiya şərtləri əsasında olub. Onlar Ələt-Qazıməmməd avtomobil yolunun, Mingəçevir Elektrik Stansiyasının (birinci və ikinci fazalar), Ucar-Yevlax yolunun və Xaçmaz yarımstansiyasının tikinti layihələrinin realizəsinə yönəlib.
Məqalə müəllifilə əlaqə ünvanı: [email protected]