Azərbaycan, Bakı, 19 noyabr/ Trend , müxbir N.İsmayılova/ "Azərbaycanın İxrac və İnvestisiyaların Təşviqi Fondu (AZPROMO) 2008 - ci ilin fəaliyyət planı çərçivəsində nəzərdə tutulan vahid "Product of Azerbaijan" brendinin tətbiqini təxirə salıb.", - AZPROMO-nun İxracın Təşviqi Departamentinin direktoru Emil Əliyev çərşənbə günü bildirib.
"Vahid leybl məsələsi hələ müzakirə ediləcək. Lakin tətbiq mexanizmi olmadığı üçün, hazırda bu barədə danışmaq çox tezdir, - Əliyev bildirib. - Artıq ilin sonudur və bizim təxirə salınmadan həll edilməli olan daha vacib problemlərimiz var".
Onun sözlərinə görə, vahid "Product of Azerbaijan" brendinin tətbiqi haqqında məsələnin həlli 2009-cu ilin birinci yarımilinə təxirə salınıb.
"Vahid leybl haqqında məsələ kənarda qalmayacaq. Belə ki, "Product of Azerbaijan" brendinin yeridilməsi AZPROMO-nun strategiyalarından biridir", - Əliyev bildirib.
Hazırda AZPROMO öz nəşrlərində bu loqotipdən istifadəni tətbiq edir.
Vahid loqotipin tətbiqi Azərbaycanın mədəniyyət və turizm nazirliyi ilə də razılaşdırılıb.
Müəlliflə əlaqə saxlamaq üçün elektron ünvan: [email protected]
