Azərbaycan, Bakı, 24 noyabr / Trend , müxbir E.İsmayılov/ "Məşədi Əzizbəyov" metro stansiyası yaxınlığında yeni yol qovşağının tikintisinin 2009 - cu ilin birinci yarısında yekunlaşacağı gözlənilir, - bazar ertəsi Azərbaycan Nəqliyyat Nazirliyindən bildiriblər.
"Məşədi Əzizbəyov" metrosu ətrafında yol qovşağı ümumilikdə 9 körpünü və 11 yol ötürücüsünü birləşdirir. Qovşağın sahəsi 3600 metrdir. Bakıda ilk dəfə burada 325 metr uzunluğu olan asma körpü quraşdırılacaq. O, iki dirək üzərində yerləşəcək. Körpü avtomobil yolundan aeroport istiqamətinə uzanacaq.
Eyni zamanda, 2009 - cu ilin birinci yarısında Babək və Məhəmməd Hadi küçələrinin kəsişməsində ("Xalqlar Dostluğu" metro stansiyasının yaxınlığında) tikilən körpünün istismara veriləcəyi gözlənilir. Onun uzunluğu 1410 metrdir. Körpünün tikintisi bu rayonda nəqliyyat infrastrukturunda işi yüngülləşdirməyə və bu məntəqədə avtomobil tıxaclarının qarşısını almağa yardm edəcək, - Nəqliyyat Nazirliyindən deyiblər.
Bütün işlər Azərbaycan prezidentinin "2006 -2007- ci illərdə Bakı şəhərində nəqldiyyat sisteminin mükəmməlləşdirilməsi barədə" sərəncamı əsasında nəqliyyat infrastrukturunda işin yüngülləşdirilməsi layihəsi çərçivəsində həyata keçirilir.
Müəlliflə əlaqə ünvanı: [email protected]
