Azərbaycan, Bakı, 10 dekabr/ TrendCapita / Beynəlxalq Sığorta Şirkəti (BSŞ) ISO 9001:2000 keyfiyyət menecmenti sisteminin (KMS) planlı nəzarət auditindən keçib. Bu barədə çərşənbə günü şirkətdən məlumat verilib.
Audit SGS Tashkent Ltd-dən olan auditorun iştirakı ilə SGS şirkətinin Bakı nümayəndəliyi tərəfindən aparılıb.
2006 - cı ildə BSŞ ISO 9001:2000 beynəlxalq standartına müvafiq sertifikatlaşdırılıb. Şirkət auditi uğurlu keçib və bununla da, KMS -nin fəaliyyətinin səmərəliliyini və onun beynəlxalq standartlara müvafiq olduğunu təsdiq edib.
Azərbaycan Beynəlxalq Bankı tərəfindən təsis edilən Beynəlxalq Sığorta Şirkəti 2002 - ci ilin aprelindən fəaliyyət göstərir. Sığortanın 29 könüllü və beş icbari növü üzrə xidmət göstərən şirkətin Nizamnamə kapitalı 8,8 mln. manat təşkil edir.
Məqalə müəllifi ilə əlaqə ünvanı: [email protected]