Azərbaycan, Bakı, 22 dekabr/ Trend , müxbir N.İsmayılova/ Avropa Yenidənqurma və İnkişaf Bankı (AYİB), Beynəlxalq Maliyyə Korporasiyası (BMK) və Hollandiya Maliyyə Korporasiyasının (FMO) Gürcüstanın böyüklüyünə görə ikinci bankı TBC Bank-a maliyyə dəstəyi göstərməsi Azərbaycandakı TBC Credit bank olmayan kredit təşkilatının fəaliyyətinə müsbət təsir göstərəcək. [TBC Credit-in səhmlərinin 75 faizi TBC Bank-a məxsusdur].
AYİB, BMK VƏ FMO Gürcüstan bankına "böyük" borc şəklində 171 mln. dollar ayıracaq. Bu, müflisləşmə baş verərsə, sahibləri pulları birinci itirən borcdur. AYİB layihə üçün 75 mln. dollar ayıracaq.
"AYİB, BMK VƏ FMO beynəlxalq maliyyə təşkilatları tərəfindən əlavə sərmayələr, şübhəsiz ki, TBC Bank-ın həm Gürcüstanın daxili bazarı, həm də ölkə xaricindəki mövqelərini möhkəmləndirməyə imkan verəcək", - TBC Credit-dən bildiriblər.
"AYİB - in TBC Bank - ın təsisçiləri arasında yeni üzv olması, banka əlavə sabitlik verəcək. Bütün bunlar TBC Credit-in fəaliyyətinə müsbət təsir göstərəcək", - TBC Credit-dən qeyd ediblər.
TBC Bank böyüklüyünə görə Gürcüstanın ikinci bankıdır. 2008 - ci il sentyabrın 30-na bankın aktivləri 1,39 mlrd. dollar, kapitalı 222 mln. dollar, xalis mənfəəti 2,2 mln. dollar təşkil edib. TBC Bank dekabrda Azərbaycanın TBC Credit ban olmayan kredit təşkilatının kapitalına daxil olub.
Müəlliflə əlaqə saxlamaq üçün elektron ünvan: [email protected]
