Azərbaycan, Bakı, 08 yanvar/ Trend , müxbir S.Babayeva/ Ötən ilin yanvar-noyabrı ərzində Naxçıvan Muxtar Respublikasına (NMR) yatırılan sərmayələr 2007-ci ilin analoji dövrü ilə müqayisədə 38,7 faiz artaraq təxminən 271 mln. manat təşkil edib, - NMR-in Bakıdakı daimi nümayəndəliyindən bildiriblər.
11 ay ərzində NMR-in tikinti müəssisələri 240,3 mln. manatlıq iş görüblər ki, bu da 2007-ci ilin yanvar-noyabrı üzrə göstəricidən 57 faiz çoxdur. Tikinti sektoruna yatırılan investisiyalar NMR-ə yatırılan bütün sərmayələrin 90,6 faizini təşkil edir.
Bu səmayələrdən 163 mln. manat yeni tikililərdə işlərin yerinə yetirilməsi, 41 mln. manat əsaslı təmir, 10,8 mln. manat cari təmir, 8,4 mln. manat digər tikinti işlərinə yönəldilib.
Müəlliflə əlaqə saxlamaq üçün elektron ünvan: [email protected]
