Azərbaycan, Bakı, 08 yanvar/ Trend , müxbir N.İsmayılova/ 2009 - cu ildə malların qiymətinin gözlənilən azalması inkişafda olan ölkələrdə ticarətin şərtlərində kəskin dəyişikliklərə gətirəcək, - Dünya Bankının (DB) "2009 - cu ildə qlobal iqtisadiyyatın perspektivləri" hesabatında deyilib.
DB - nin proqnozuna görə, neft idxal edən 30 - a yaxın ölkədə ÜDM - in artımı neftin qiymətinin azalması ilə əlaqədar 1,5 faizdən çox olmayacaq. Bunlardan Kipr, Qayana, Yamayka, İordaniya, Qırğızıstan Respublikası, Moldova, Nikaraqua, Seyşel adaları və Tacikistanda ÜDM - in artım templəri 2,5 faizdən çox səviyyədə proqnozlaşdırılır.
Qida məhsullarının qiymətlərinin azalması Benin, Eritreya, Qana, Qvineya, Haiti, Madaqaskar, Niger, Seneqal və Toqo da daxil olmaqla, dünyanın əksər ən kasıb ölkələrinin xarici maliyyə vəziyyətini zəiflədəcək.
Eyni zamanda, neft ixrac edən ölkələr idxal və ixrac qiymətlərinin nisbətindən böyük itkilər verəcəklər. Bu ölkələr arasında Anqola, Azərbaycan, Konqo Respublikası, Ekvatorial Qvineya, Qabon, İran, Küveyt, Liviya, Nigeriya və Səudiyyə Ərəbistanı var. Adları çərkilən ölələrdə birinci yarımildə gəlirlərin ÜDM -in 10 faizi səviyyəsində azalacağı gözlənilir.
DB - nin
proqnozlarına görə, metalların qiymətinin
düşməsi Çili, Mavritaniya, Monqolustan, Papua-Yeni
Qvineya, Surinam və Zimbabvedə gəliləri ÜDM - in 2
faizindən çox səviyyədə azaldacaq.
"Taxıl ixrac edən ölkələr qiymətlərin
azalmasından daha çox zərər
çəkəcəklər", - hesabatda deyilir.
Argentina (qarğıdalı, soya, buğda), Boliviya (soya), Qambiya (yerfındığı), Qvineya -Bisau (yerfındığı), Qayana (düyü) və Paraqvay (soya) kimi ixracatçılar ÜDM - in 1,6 -9 faizədək civarında itkilər verəcəklər. Bununla belə, neftin azalan qiymətləri bəzi ölkələr üçün təsirləri yumşaldacaq.
İdxal və ixrac zamanı malların qiymətinin azalmasından effekt 162 ölkənin yarıdan çox bir hissəsində ticarət şərtlərinin artmasına gətirəcək, onlardan 24 ölkə ÜDM - in 1,5 faizindən çox səviyyədə mənfəət əldə edəcəklər.
Ticarətin şərti xarici ticarət mübadiləsi, ölkənin ixrac və idxal qiymətləri indeksləri nisbətinin dəyişiklik göstəricisidir. Ticarətin şərtlərinin dəyişməsi, qiymətlərin ixrac və idxal olunan məhsullara hərəkəti ilə bağlıdır və ixrac - idxalın strukturundan asılıdır.
Müəlliflə əlaqə saxlamaq üçün elektron ünvan: [email protected]
