Azərbaycan, Bakı, 27 yanvar / Trend , müxbir Ü.İsmayılova/
2008 - ci ilin yekunlarına əsasən, Azərbaycanın ən böyük lizinq şirkətlərindən biri "AtaLizinq" ASC-in portfeli 1.0 milyon manat artaraq 3.5 mln. manata çatıb", - çərşənbə axşamı şirkətdən deyilib.
"Portfelin artımı 40 faiz təşkil edib", - Ata Leasing-dən bildirilib.
2008- ci ildə 75 lizinq müqaviləsi imzalanıb və bununla da, 93 aktiv lizinq müqaviləsi fəaliyyətdə olub. Lizinqə verilmiş avadanlıqların həcmi 3.7 milyon manat təşkil edib. 2008 - ci il ərzində ölkə iqtisadiyyatına yatırılan sərmayənin həcmi 2.8 mln. manat olub.
2008 - ci ildə Cəmiyyətin lizinq portfelinin 91,4% - ni Bakı şəhəri, 8,6% - ni regionlar (Oğuz -1,9%, Mingəçevir - 2,5%, Sumqayıt 2,5%, Dəvəçi-0,4%, Göyçay-0,4%, İmişli-0,4%, Lənkəran 0,4%) təşkil edib.
Portfelin sahələr üzrə göstəriciləri aşağıdakı kimi olub: inşaat - 34,4%, sənaye istehsalı 17,4%, nəqliyyat -17,3%, yeyinti sənayesi -11,1%, ticarət -11,1%, yol infrastrukturu -1,7%, xidmət sahəsi -4,5%, toxuculuq sənayesi -1,9%, səhiyyə - 0,8%, kommunal təsərrüfat - 0,5% və rabitə - 0,3%.
Cəmiyyət 2008 - ci il ərzində bağlanmış müqavilələr üzrə, hesabat ilini mənfəətlə bitirib. Keçən ilin müvafiq dövrü ilə müqayisədə, "AtaLizinq" ASC-nin işlək aktivləri 40% artaraq 3.5 mln. manat olub. Cəmiyyət hesabat dövrü ərzində gəlirlərini 39% artıraraq 945.676 manata, mənfəətini 89% artıraraq 341.278 manata çatdırıb. Xalis mənfəət 269.945 manat həcmində olub.
2008 - ci ilin yekununa görə, ROE 27%, ROA 7,7 % təşkil edib ki, bu da 2007-ci ilin göstəriciləri ilə müqayisədə, ROE + 3%, ROA + 0,5% artımla müşahidə olunub.
Xatırladaq ki, "AtaHoldinq" ASC və "AtaBank" ASC tərəfindən təsis edilmiş "AtaLizinq" ASC 2004 - cü ildən fəaliyyət göstərir və Nizamnamə kapitalının həcmi 1.000.000 manat təşkil edir.
Yanvarın 27 - nə rəsmi məzənnə 0,8048 AZN/USD təşkil edir.
Məqalə müəllifi ilə əlaqə ünvanı: [email protected]
