Azərbaycan, Bakı, 03 fevral/ Trend / Azərbaycan Nazirlər Kabineti dövlət başçısı İlham Əliyevin "Sərhəd buraxılış məntəqələrində mal və nəqliyyat vasitələrinə baxış zamanı vahid pəncərə prinsipinə keçid haqqında" fərmanının təmin edilməsi çərçivəsində "Azərbaycan Respublikası ərazisində beynəlxalq avtomobil daşınmalarını tənzimləyən icazə sistemi haqqında Əsasnamə"yə "Əlavə və dəyişikliklərin edilməsi, həmçinin Nazirlər Kabinetinin bir sıra qərarlarının qüvvədən düşməsinin təsdiqlənməsi haqqında" qərar qəbul edib.
Edilmiş dəyişikliklərə əsasən, beynəlxalq avtomobil daşınmaları zamanı giriş-çıxış, yükləmə və tranzit hüquqlarını müəyyən edən xüsusi blanklar ölkənin gömrük-buraxılış məntəqələrində görmrük orqanları tərəfindən verilir və nəzarət olunur. Gömrük-buraxılış məntəqələri istisna olmaqla, əcnəbi nəqliyyat vasitələri ilə beynəlxalq avtomobil daşınmalarının tənzimlənməsi və belə daşınmalara nəzarəti Azərbaycanın Nəqliyyat Nazirliyi həyata keçirir.
Əsasnaməyə edilmiş dəyişikliklərə əsasən, icazə sistemi üzrə kvotalar haqqında hökumətlərarası sazişlər və Beynəlxalq Nəqlliyyat Fondunun çoxtərəfli öhdəlikləri çərçivəsində uçotun həyata keçirilməsi ilə bağlı Dövlət Gömrük Komitəsi hər ayın 10-dan gec olmayaraq Nəqliyyat Nazirliyinə müvafiq məlumatı təqdim etməlidir.
Müəlliflə əlaqə saxlamaq üçün elektron ünvan: [email protected]
