Türkmənistan, Aşqabad, 10 mart / Trend , müxbir E.Həsənov /
Türkmənistan ilə ikitərəfli əməkdaşlığı genişləndirmək məqsədi ilə İslam İnkişaf Bankının (İİB) katibi Həsən əl-Baba Aşqabada gəlib. Bu barədə Türkmənistanın rəsmi mənbəsindən məlumat verilib. Səfər zamanı bir sıra nazirlik və banklarda danışıqlar aparılacaq.
İİB nümayəndəsinin hazırkı səfəri İdarəçilər Şurasının 2009-cu ilin iyununda Türkmənistanın paytaxtında keçirilməsi planlaşdırılan sammitinə hazırlıq üçün nəzərdə tutulub. Cari ilin fevral ayının əvvəlində İİB-nin aparıcı bölmələrindən birini başçsı, Özəl Sektorun İnkişafı üzrə İslam Koorporasiyasına rəhbərlik edən Xalid Məhəmməd əl-Abud Aşqabadda səfərdə olub.
Türkmənistan bu korporasiyanın tərkibinə 2001-ci ildə daxil olub. Bu maliyyə institutu borc və qrantların ayrılması vasitəsilə İİB-yə daxil olan dövlətlərdə özəl sahibkarlığa dəstək məqsədi ilə yaradılıb.
Məqalə müəllifi iləəlaqə ünvanı - [email protected]