Azərbaycan, Bakı, 16 mart / Trend , müxbir S.Babayeva /
Mart ayının birinci yarısında "Aqrolizinq" ASC Almaniyadan gətirilmiş 198 baş üçüncü partiya cins damazlıq heyvanların heyvandarlıqla məşğul olan hüquqi və fiziki şəxslərə lizinqə verilməsi işinə başlayıb. Bu barədə ASC-dən bildiriblər. Heyvanların gətirilməsinə ilin əvvəlindən başlanılıb.
"İlin əvvəlindən (heyvanların ümumi həcmindən) 38-i hüquqi və fiziki şəxslərə lizinqə verilməklə cəmisi 549 baş satılıb", - deyə ASC-dən bildiriblər.
Həmin müddətdə 47 ədəd MTZ markalı traktor Gəncə Avtomobil Zavodundan alınıb, 23 nəfər hüquqi və fiziki şəxslərə 20 ədəd traktor və 23 ədəd digər kənd təsərrüfatı texnikaları lizinqə verilib.
"Agrolizing" ASC Kənd Təsərrüfatı Nazirliyinin balansında yaradılıb. Müəssisənin fəaliyyəti aqrar sahənin yaxşılaşdırılması və müxtəlif kənd təsərrüfatı texnikasının əldə edilməsi və yerli torpaq sahiblərinə lizinqə verilməsi yolu ilə ölkədə sahibkarlığa dəstəkdən ibarətdir. Bu gün ASC doqquz regional aqroservis təchizat bazasına və işğal olunmuş ərazilər istisna olmaqla, Azərbaycanın bütün rayonlarında 55 aqroservis filialına malikdir.
2005-ci ildən 2008-ci ilədək "Agrolizing" dövlət büdcəsindən 133 mln. manat vəsait alıb. Bu məbləğin 76,6 milyonu kənd təsərrüfatı texnikası, 7,4 milyonu texniki avadanlıq və 4,9 milyonu pestisid və gübrənin alınmasına sərf olunub.
Bu dövr ərzində 500-dən artıq taxılyığan maşın, 1,5 min traktor, 30 mini-traktor, 120 ekskavator, dörd mindən çox müxtəlif kənd təsərrüfatı texnikası alınıb.
2009-cu ilin dövlət büdcəsindən "Agrolizing" ASC üçün əvvəlki illərdə olduğu kimi 37,5 mln. manat ayrılacaq.
Məqalə müəllifi ilə əlaqə ünvanı: [email protected]