Azərbaycan, Bakı, 16 aprel / Trend /
"2015-ci ilə qədər Xəzər dənizindəki Qazaxıstanın Aktau beynəlxalq dəniz limanından neft yükləmələrinin həcmi ildə 20 milyon tona çatacaq", - Qazaxıstanın 2015-ci ilə qədər nəqliyyat strategiyasında deyilir. Limanın yükləmə gücünün artımı ölkənin qərbində neft hasilatının artımı ilə əlaqədar olacaq (2015-ci ilə qədər oradakı hasilatın ildə 140 milyon tona çatacağı planlaşdırılır).
"Artıq qısamüddətli perspektivdə limanın istehsal gücü infrastrukturlarının tələb olunan səviyyəyə qədər genişlənməsinə, həmçinin digər limanlarda neft terminallarının tikintisi və dəniz əməliyyatlarının dəstək bazasının yaradılmasına ehtiyac var", - Qazaxıstan Nəqliyyat və Kommunikasiya Nazirliyinin rəsmi saytında dərc olunmuş strategiyada deyilir.