Azərbaycan, Bakı, 20 aprel / Trend , müxbir Ü.İsmayılova /
"Azərbaycanın Əhalinin Sosial Müdafiəsi Fondunda fərdi uçot sistemində qeydiyyatdan keçmiş 82 ölkədən olan əcnəbilərin sayı təxminən 7 min nəfərə çatıb", - bazar ertəsi fondun yaydığı məlumatda deyilir.
Fərdi uçot sistemində qeydiyyatdan keçmiş əcnəbilərin əksəriyyəti Türkiyə vətəndaşıdır - təxminən dörd min nəfər. İkinci yerdə Gürcüstan vətəndaşları durur - 1,08 min nəfər, üçüncü yerdə Rusiya - 496 nəfər. Həmçinin İran - 215 nəfər, Hindistan - 172 nəfər, Çin - 80 nəfər, Ukrayna - 68 nəfər, Pakistan - 64 nəfər, Malayziya - 63 nəfər, Böyük Britaniya və Şimali İrlandiya - 63 nəfər və başqaları.
Fərdi uçot - ölkə qanunvericiliyinə uyğun olaraq hər bir sığortalanmış şəxsə pensiya və başqa hüquqların təmin olunması üçün onun haqda məlumatların toplanmasıdır.
Azərbaycan Prezidentinin "Dövlət sosial sığorta sistemində fərdi uçot haqqında" sərəncamı 2001-ci ilin dekabrında imzalanıb.
Məqalə müəllifi ilə əlaqə ünvanı: [email protected]