Azərbaycan, Bakı, 21 aprel / Trend /
"Azərbaycan Nəqliyyat Nazirliyi "Azəryolservis" MMC dörd zolaqlı Ələt-Masallı yolunun 31- 54,4-cü kilometrlərindəki (ümumilikdə 23,4 kilometr) və 55,8- 80,6-cı kilometrləri arasındakı hissənin (ümumilikdə 24,8 kilometr) təsnifatöncəsi rekonstruksiya və tikintisi üzrə tender elan edib", - MMC-nin məlumatında deyilir.
Tender çərçivəsində işlər yolun üst örtüyünün, körpülərin və boru kəmərlərinin, həmçinin yol açılma və kəsişmələrinin tikintisini nəzərdə tutur.
Təsnifatöncəsi tenderdə iştirak etmək istəyənlər MMC-nin binasına 2009-cu il iyunun 3-də, Bakı vaxtı ilə 17:00-dan gec olmayaraq müraciət edə bilərlər.
Təsnifatöncəsi tender Dünya Bankının prosedurları üzrə həyata keçiriləcək.
Ələt-Masallı yolunun hissələrinin yenidən qurulması DB-nin ayırdığı kredit hesabına həyata keçiriləcək. Kredit Azərbaycana magistral avtomobil yollarının təkmilləşdirilməsi və yenidən qurulması üçün 300 milyon dollar həcmində ayrılıb. Kredit 10 il güzəşt müddəti ilə 40 il üçün verilib.
