Azərbaycan, Bakı, 07 may / Trend , müxbir E.İsmayılov /
"Bakı metropolitenində gediş üçün istifadə olunan smart-kartların balansının doldurulması üçün bankomat və elektron sistemlər quraşdırılacaq", - cümə axşamı Bakı metropoliteninin başçısı Tağı Əhmədov deyib.
Onun sözlərinə görə, bu sistemin qurulması metro işçilərinin ştatının azaldılmasına gətirib çıxartmayacaq. Boşalmış əməkdaşlar başqa işlərə və şöbələrə göndəriləcəklər. Bununla yanaşı, yeni kardların işə qəbulu dayandırılır.
"Əməkdaşların işdən çıxarılması gözlənilmir, amma yeni işçilərin qəbulu dayandırılıb", - Əhmədov bildirib.
Yeni aparatlar artıq "28 may", "İçəri Şəhər" və "Elmlər Akademiyası" stansiyalarında quraşdırılıb. Bu stansiyalarda yalnız bir xəzinədar kart satışı ilə məşğul olacaq.
Bundan başqa, metroda yeni müşahidə kameraları quraşdırılacaq.
"Metroya daxil olan bütün sərnişinlər qeydə alınır. Gələcəkdə vaqonlarda da nəzarətə keçmək niyyətindəyik. Metroda girişdən çıxışa qədər bütün proses nəzarətə götürüləcək", - Əhmədov deyib.
Məqalə müəllifi ilə əlaqə ünvanı: [email protected]
