Azərbaycan, Bakı, 03 iyun / Trend müxbir Ü.İsmayılova /
Azərbaycanda ərzaq məhsullarının ən böyük istehsalçısı olan Azersun Holding ölkədə çayçılığın inkişafı üçün tədbirlər görür. Bu barədə şirkətin sosial layihələr və ictimaiyyətlə əlaqələr şöbəsinin başçısı Afiq Səfərov çərşənbə günü mətbuat konfransında bildirib.
"Bu məqsədlə şirkət fermerlərdən tədarük edilən çay yarpaqlarının kiloqramınının qiymətini bir manata kimi artırıb", - deyə Səfərov bildirib.
Onun sözlərinə görə, tədarük edilən xammalın qiymətinin artırılması Azersun Holding-in çay məhsullarının qiymətinin artırılmasına gətirib çıxarmayacaq. "Bu qərar çayçılığın inkişafı məqsədi ilə qəbul edilib", - deyə şöbə başçısı bildirib.
Səfərov bildirib ki, 1 hektar torpaq sahəsində çayçılıq mədaxili 1,3 min manat təşkil edir.
"Azersun Holding-in çay plantasiyalarının sahəsi min hektar təşkil edir, məhsulun həcminin 35 sentner səviyyəsində olması planlaşdırılır", - deyə Səfərov bildirib.
1991-ci ildə Azərbaycanda əsası qoyulan "Azersun Holding" Şirkətlər Qrupu hazırda ölkədə ərzaq, ticarət və kənd təssərrüfatı məhsullarının istehsalı sahəsində liderlik edir.
İyunun 03-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
