Azərbaycan, Bakı, 11 iyun / Trend , müx. İ.Xəlilova /
Böhrandan sonrakı dövr üçün Azərbaycan böyük sənəd paketi hazırlamalıdır, Mərkəzi Bankın idarə heyətinin sədir Elman Rüstəmov bəyan edib.
"Hazırlanmış qanun layihələri ("Milli Bank haqqında", "Əmanətlərin sığortalanması haqqında" (artıq təsdiq olunub), "Vergi Məcəlləsi", "Büdcə sistemi haqqında" qanuna düzəlişlər) bu paketin bir hissəsidir", - Rüstəmov deyib.
Onun sözlərinə görə, böhran şəraitində iqtisadiyyat büdcə sisteminin sabitliyinin təmin olunması, pul-kredit və məzənnə siyasətinin mülayimləşməsi, böyük pul kütləsinin nüfuz etməsi və real sektorun dəstəklənməsi üçün vergilərin sadələşdirilməsinə ehtiyac duyur.
"Bu tədbirlər ölkənin qeyri-neft sektorunu dəstəkləməyə imkan yaradacaq, belə ki, Azərbaycan iqtisadiyyatı dünya proseslərindən kənarda qalmayıb",- Rüstəmov bildirib.
Mərkəzi Bankın və davam edən dünya böhranına tez bir zamanda reaksiya vermək üçün vasitələrin elastikliyinin artırılması və böhrandan sonrakı vəziyyətdən çıxmaq məqsədi ilə problemlərin həlli üçün "Milli Bank haqqında" qanuna düzəlişlər etmək təklif olunub. Bu məsələ çərşənbə günü İqtisadi siyasət üzrə parlament komitəsində müzakirə edilib.
Əgər düzəlişlər qəbul olunarsa, Mərkəzi Bank müəyyən olunmuş şərt və qaydalar əsasında banklara kredit verə biləcək. İndiyə kimi Mərkəzi Bank 6 ay müddətinə və əlavə olaraq yarım il prolonqasiya imkanı ilə kommersiya banklarına kredit verə bilirdi. Rüstəmovun fikrincə, davam edən böhran şəraitində bu çox qısa müddətdir.
Bundan başqa, MB sosial-iqtisadi əhəmiyyətli layihələri maliyyələşdirmək və o cümlədən iqtisadiyyatın real sektoruna yardım məqsədi ilə banklara dövlət zəmanəti ilə kreditlər vermək səlahiyyətinə malik olacaq. Bu kreditlərin vasitəsi ilə hazırda maliyyə yardımına ehtiyac duyan alüminum sənayesinə yardım etmək mümkün olacaq. Banklar öz vəsaitləri hesabına bunu həyata keçirmək iqtidarında deyil.
Bu dəyişikliklər Rüstəmovun sözlərinə görə, anti-böhran tədbirlərinin bir hissəsidir və bu dövrdə Mərkəzi Bankın müstəqil bir struktur kimi statusunun gücləndirilməsi zəruridir.
Məqalə müəllifi ilə əlaqə:[email protected]