Azərbaycan, Bakı, 10 avqust / Trend , müxbir İ.Xəlilova /
Azərbaycanın Standartlaşdırma, Metrologiya və Patent üzrə Dövlət Komitəsi turizm və ekskursiya xidmətləri üzrə üç yeni standartı təsdiq edib. Bu barədə bazar ertəsi komitədən bildirilib.
AZS 369-2009 standartı (turizm və ekskursiya xidmətləri üzrə) turistlərin qalması üçün yer ayrılan mehmanxanalara və mehmanxana tipli obyektlərə şamil edilir. Bu sənəddə mehmanxanaların növləri, ümumi tələblər və xidmətlər müəyyənləşdirilib.
AZS 370-2009 standartı isə turizm marşrutlarının təsnifatını, işlərə dair tələbləri müəyyənləşdirir. Sözügedən standart turizm və ekskursiya üzrə xidmətlərin sertifikasiyalaşdırılması məqsədilə tətbiq edilir.
AZS 371-2009 standartı isə turizm və ekskursiya rəhbərliyi fəaliyyəti üçün sənəd hazırlayan təşkilatlara, həmçinin bu fəaliyyət növü ilə məşğul olan müəssisələrə aiddir. Sözügedən standartlar tərəfindən müəyyən olunan terminlər ekskursiya və turizm sahəsində istifadə olunan, həmçinin keyfiyyət, standartlaşdırma və sertifikasiya idarəetməsi üzrə işlərə dair hər bir növ sənədin tətbiqində çox vacibdir.
Məqalə müəllifi ilə əlaqə ünvanı: [email protected]
