...

2010-cu ildə dövlət büdcəsində xərclərin azaldılması böyük investisiya layihələrinin başa çatması hesabına təmin olunur

Biznes və iqtisadiyyat xəbərləri Materials 21 Oktyabr 2009 13:52 (UTC +04:00)

Azərbaycan, Bakı, 21 oktyabr / Trend , müxbir N.İsmayılova/

2010-cu ildə dövlət büdcəsində xərclərin azaldılması daha əvvəl ölkədə həyata keçirilən böyük investisiya layihələrinin başa çatması hesabına təmin olunur, çərşənbə günü maliyyə naziri Samir Şərifov deyib.

"Son illər ölkədə iri miqyaslə layihələr həyata keçirilir. Bu günlərdə onlardan bəziləri başa çatmaqdadır və onların hesabına gələn ilə dövlət büdcəsinin xərcləri bir neçə dəfə azalıb", - Şərifov deyib.

Onun sözlərinə görə, buna yeni layihələrin seçilməsində prioritet yanaşma sayəsində nail olunub. Amma əsasən ölkədə daha əvvəl reallaşdırılan layihələrin başa çatması hesabına baş verib.

2010-cu ilin dövlət büdcəsinin proqnozlarına əsasən, gəlir hissəsi 10.015 milyard manat (31.5 faiz ÜDM-dan), o cümlədən, mərkəzləşdirilmiş gəlirlər 9.552 milyard manat, yerli gəlirlər 462.98 milyon manat, xərc hissəsi isə 11.264 milyard manat (35.4 faiz ÜDM hesabına), mərkəzləşdirilmiş xərclər 10.069 milyard manat və yerli xərclər 1.194 milyard manat təşkil edir.

Dövlət büdcəsinin kəsir limiti 1.249 milyard manat həcmində proqnozlaşdırılır.

Ümumi büdcə xərclərinin maksimal həddi 12.466 milyard manat proqnozlaşdırılır. Ümumi büdcə gəlirlərinin həcmi 11.885 milyard manat müəyyənləşdirilib. Ümumi büdcənin kəsiri Dövlət Neft Fondunun gəlirləri hesaba alınmadan 6.544 milyard manat proqnozlaşdırılıb.

Proqnozlar neftin qiymətinin bar/45 dollar əsasında tərtib olunub.

Xəbər lenti

Xəbər lenti