2009-cu ilin yekunlarına Azərbaycanda ÜDM-un 12,9 faizlik real artımı gözlənilir
Azərbaycan, Bakı, 7 noyabr / Trend , müxbir N.İsmayılova/
Azərbaycan hökumətinin proqnozlarına müvafiq olaraq, 2009-cu ilin sonuna ÜDM-un istehsalı 30,7 milyard manat səviyyəsində olacaq. Bu da 12,9 faiz real artım deməkdir. Ölkə parlamentinin baxışında olan Azərbaycanın 2010-cu ilə olan dövlət büdcəsi layihəsində deyilir.
Qeyri neft sektoru üzrə ÜDM-ın xüsusi çəkisi 59,8 faiz təşkil edərək, neft sektorunun 13,9 faizlik ÜDM göstəricisini keçir.
2009-cu il makroiqtisadi proqnozlara müvafiq olarq, ÜDM strukturunda 44 faizlik əlavə dəyər sənayenin, 12,9 faiz - sosial və digər xidmətlərin, 8,9 faiz - inşaatın, 7,7 faiz - kənd təsərrüfatının, 7,1 faiz - ticarətin, 6,9 faiz - nəqliyatın, 2,6 faiz isə rabitə sektorunun payına düşür.
Proqnozlara müvafiq olaraq, cari ilin sonunadək bütün sənaye sahələrində istehsalın ümumi həcminin 13,5 milyard manat olacağı gözlənilir. Bunlardan 1,2 milyard manatı və ya 8,8 faizi qeyri neft sənayesinin hesabına təmin ediləcək.
Kənd təsərrüfatında təxminən 2,4 milyard manatlıq əlavə dəyər hasil ediləcək. Bu göstərici ötən ilin müvafiq dövrü ilə müqayisədə 6 faiz çoxdur. Bu il ilk dəfə ölkənin taxıl tələbatının daxili istehsalat hesabına təmin ediləcəyi gözlənilir. Bu ölkənin aqrar sektoruna göstərilən dəstəyin və bu sektorun inkişafı üçün həyata keçirilən tədbirlərin nəticəsidir.
Cari ilin yekunlarına görə, əsas kapitalda investisiyanın ümumi həcminin 10,1 milyard manat olacağı planlaşdırılır. Bu məbləğin 80,4 faizi daxili investisiya, 19,6 faiz isə xarici investisiya hesabına təmin ediləcək.
Orta əmək haqqının proqnoz göstəricisi 318 manat təşkil edir. Bu keçən ilə olan müvafiq göstəricidən 16,7 faiz çoxdur. Pərakəndə mal dövriyyəsinin 7 faizlik artımla 11 754 milyon manat olacağı gözlənilir. adambaşına düşən mədaxil isə 2565 manata çatacaq.
İlin sonunda ixrac əməliyyatlarının həcminin 16,1 milyard dollar, idxal əməliyyatlarının həcminin isə 7 milyard dollar olacağı gözlənilir.
7 noyabra olan rəsmi məzənnə 0,8031 AZN/USD təşkil edir.
Məqalə müəllifi ilə əlaqə ünvanı: [email protected]
