Azərbaycan, Bakı, 08 yanvar / Trend , müxbir N.İsmayılova/
2009-cu ilin noyabr ayında Azərbaycan banklarının depozit bazası 1,1 faiz artıb, ilin əvvəli ilə müqayisədə 9,5 faiz, illik hesablamalarda isə 5,2 faiz azalıb. Bu barədə Azərbaycan Mərkəzi Bankının məlumatında deyilir.
MB-nın məlumatlarına görə, dekabrın 1-nə bank depozitlərinin ümumi həcmi və hüquqi və fiziki şəxslərin əmanətləri 4308,2 milyon manat təşkil edib. Noyabrın 1-nə bu göstərici 4261,5 milyon manat, 2009-cu il yanvarın 1-nə 4760,7 milyon manat 2008-ci il dekabrın əvvəlinə isə 4544 milyon manat təşkil edib. Bu həcmdən 1628,1 milyon manat manatın payına, 2680,1 faizi isə valyutanın payına düşüb.
Noyabr ayı ərzində fiziki şəxslərin əmanətləri 5,9 faiz artmış və hüquqi şəxslərin depozitlərinin həcmi isə 3,7 faiz azalmışdır. Yanvar-noyabr ərzində fərdi müştərilərin depozitləri 18,2 faiz, korporativ müştərilərin depozitlıəri isə 28 faiz azalıb.
2009-cu il dekabrın 1-nə ölkə banklarındakı şəxslərin əmanətlərinin həcmi 2251,7 milyon manat təşkil edib. Noyabrın 1-nə bu göstərici 2125,7 milyon manat, yanvarın 1-nə isə 1905,2 milyon manat təşkil edib.
Dekabrın əvvəlinə hüquqi şəxslərin depozitlərinin həcmi 2056,5 milyon manat təşkil edib. Noyabrın 1-nə bu göstırici 2135,9 milyon manat, yanvarın 1-nə isə 2855,5 milyon manat təşkil edib.
Yanvarın 8-nə olan rəsmi məzənnə 0,8031 AZN/USD təşkil edir.
