...

Yanvarda Azərbaycanın ÜDM-i illik hesablamalarda 9,2 faiz artıb

Biznes və iqtisadiyyat xəbərləri Materials 16 Fevral 2010 20:56 (UTC +04:00)

Trend-i buradan izləyin

Azərbaycan, Bakı, 16 fevral / Trend , müxbir N.İsmayılova/

2009-cu ilin yanvar ayı ərzində Azərbaycanın ÜDM-i ötən ilin müvafiq göstəricisi ilə müqayisədə 9,2 faiz artıb. Bu barədə çərşənbə axşamı Dövlət Statistika Komitəsindən məlumat verilib. Cari qiymətlərdə ÜDM göstəricisi 3,212 milyard manat təşkil edib. Əhalinin adambaşına düşən ÜDM-nin həcmi 361,7 manat (450,3 dollar) təşkil edib.

İqtisadiyyatın bütün sahələrində məhsul istehsalının ümumi həcmi 12,4 faiz artaraq, ÜDM-in 67,3 faizini təşkil edib. ÜDM-də 62,4 faizlik (2 milyard manat manat) əsas hissə sənayenin payına düşür. ÜDM-də xidmət sahələrinin əlavə dəyər istehsalı 38,1 faizdən 26,8 faizədək azalıb.

Yanvar ayı ərzində kənd təsərrüfatı, ovçuluq sektoru və meşəçilikdə 47,7 milyon manatlıq əlavə dəyər istehsal olunub ki, bu da ümumi ÜDM-in 1,5 faizini təşkil edir. Tikinti sektorunda 109,4 milyon manat (3,4 faiz), nəqliyyat sektorunda 203,2 milyon manat (6,3 faiz), rabitə və poçt xidmətləri sektorunda 48,8 milyon manat (1,5 faiz), topdan və pərakəndə ticarət, avtomobil sahəsində, məişət məhsulları və şəxsi istifadə əşyalarının təmiri üzrə xidmət sahələrində 231,8 milyon manat (7,2 faiz), iaşə müəssisəsi və mənzilin təşkilində 34,7 milyon manat (1,1 faiz), sosial və digər xidmətlərin göstərilməsində 336,8 milyon manat (10,5 faiz) əlavə dəyər istehsal olunub.

Fevralın 16-na olan rəsmi məzənnə 0,8033 AZN/USD təşkil edir.

Xəbər lenti

Xəbər lenti