Azərbaycan, Bakı, 3 aprel /Trend, müxbir Ü.İsmayılova/
Fevralda Bakının daşınmaz əmlak bazarında ilkin mənzillərin 1 kvadratmetrinin qiyməti 1,5 faiz ucuzlaşaraq 883 dollar təşkil edib. Yanvar ayında bu göstərici 897 dollar olub. Bu barədə şənbə günü "Əmlak Bazarı İştirakçıları" İctimai Birliyindən məlumat verilib.
Fevralda əhəmiyyətli dərəcədə ucuzlaşma Bakının Yasamal rayonunda müşahidə olunub - 3,4 faiz. Bakının heç bir rayonunda artım qeydə alınmayıb.
Fevralda inşa olunan məznillərin orta sahəsi 121,6 kvadratmetr təşkil edib. Yanvarda bu göstərici 122,3 kvadratmetr olub.
Yeni tikililərdə orta mərtəbə göstəricisi 15,2, orta blok göstəricisi isə 2,5-dir.
Yanvarda Bakının ilkin yaşayış mənzil bazarının portfelinin böyük hissəsini paytaxtın Yasamal, Xətai və Nəsimi rayonlarındakı tikintilər təşkil edib. Bunun payına bazarın ümumi portfelinin 65,5 faizi düşüb.
Cədvəl yeni tikililərin otaq və sahə göstəricilərini göstərir:
|
Otaqlar |
Mənzillərin sayı |
Orta sahə göstəricisi |
Tikintidə payı (%-lə) |
|
Birotaqlı |
11441 |
60,2 |
18,1 |
|
İkiotaqlı |
19360 |
92,2 |
30,6 |
|
Üçotaqlı |
23920 |
131,9 |
37,9 |
|
Dördotaqlı |
75565 |
184,7 |
12 |
|
Beşotaqlı |
914 |
248,1 |
1,4 |
