Azərbaycan, Bakı, 15 may /Trend, müxbir Ü.İsmayılova/
Azərbaycanda yanvar-aprel aylarında istismara verilən yaşayış evlərinin ümumi sahəsi 413,4 min kvadratmetr təşkil edib ki, bu da ötən ilin analoji dövr göstəricisi ilə müqayisədə 13,7 faiz çoxdur. Bu barədə şənbə günü Dövlət Statistika Komitəsindən məlumat verilib.
Bu dövr ərzində tikinti-quraşdırma işlərinin aparılmasına 1,585 milyon manat yönəldilib ki, bu da 2009-cu ilin birinci rübündəki göstəricidən 20,6 faiz çoxdur.
İstehsalat obyektlərinin tikintisinə 1,152 milyard manat vəsait yatırılıb ki, bu da 2009-cu ilin birinci rübündəki göstəricidən 4,7 faiz çoxdur. Xidmət sahəsində obyektlərin tikintisinə 1,138 milyard manat və ya ötən ilin analoji dövründəkindən 6,4 faiz az vəsait yönəldilib.
Əsas kapitalda investisiyanın ümumi həcmi il ərzində 5,5 faiz artaraq 2, 291 milyon manat təşkil edib.
Mayın 15-nə olan rəsmi məzənnə 0,8036 AZN/USD təşkil edir.