Azərbaycan, Bakı, 24 iyun /Trend müxbir T.Cəfərov/
Azərbaycanın maliyyə naziri Samir Şərifov İranın iqtisadiyyat və maliyyə naziri Seyid Şəmsəddin Hüseyni ilə görüşüb. Bunu Trend-ə İranın Azərbaycandakı səfirliyinin mətbuat xidmətinin rəhbəri Abbas İsgəndəri deyib.
İsgəndəri bildirib ki, Hüseyni görüşdə İran və Azərbaycan arasında bankçılıq və sığorta sahəsində öncədən mövcud olan əməkdaşlığın artırılmasının vacibliyini vurğulayıb. "Tərəflər bankçılıq, sığorta və digər iqtisadi layihələr haqqında müzakirələr apardı və razılıq əldə etdi", - İsgəndəri deyib.
O əlavə edib ki, Azərbaycan və İran naziri əldə edilmiş razılaşmaların tez bir zamanda icrasına başlanılması üçün ekspertlərin araşdırma aparmasının zəruriliyini vurğulayıb.
