Azərbaycan, Bakı, 24 sentyabr /Trend, müxbir A.Axundov/
Azərbaycan Maliyyə Nazirliyi 2010-cu ilin yanvar-avqust aylarında sığorta şirkətlərinin fəaliyyətinin yekununu açıqlayıb. Sığorta haqlarının ümumi həcminin 78,32 faizi və ümumi ödənişlərin 81,3 faizi onların payına düşür. Azərbaycanda cəmi 27 sığorta və bir təkrar sığorta şirkəti fəaliyyət göstərir.
|
Sığorta şirkəti |
2010-cu il yanvar-avqust, haqlar (mln. manatla) |
2010-cu il yanvar-avqust, ödənişlər (mln. manatla) |
2009-cu il yanvar-avqust, haqlar (mln. manatla) |
2009-cu il yanvar-avqust, ödənişlər (mln. manatla) |
|
Azərsığorta |
17,00 |
7,02 |
18,89 |
9,03 |
|
Azalsığorta |
10,87 |
0,41 |
12,80 |
0,006 |
|
AzSığorta |
9,49 |
0,79 |
7,48 |
2,97 |
|
"Atəşgah" Sığorta |
8,42 |
3,27 |
9,06 |
2,99 |
|
Beynəlxalq Sığorta Şirkəti |
7,08 |
3,48 |
9,22 |
2,44 |
|
Paşa Sığorta |
7,08 |
1,59 |
7,81 |
1,30 |
|
Standard Insurance |
5,37 |
1,23 |
5,66 |
2,23 |
|
MBASK Sığorta |
5,20 |
2,36 |
4,74 |
4,36 |
|
A-Group Sığorta |
5,19 |
3,82 |
5,12 |
2,82 |
|
Xalq Sığorta |
5,02 |
1,17 |
22,61 |
0,84 |
|
Cəmi |
80,72 |
25,14 |
103,39 |
28,98 |
Sığorta haqlarının həcminə görə liderlər beşliyinə dəyişikliklər edilməyib. "Paşa Sığorta" sonuncu ay ərzində sığorta haqlarını iki milyon yarım manat artıraraq doqquzuncu yerdən altıncı yerə qalxıb (yanvar-iyul aylarında "Paşa Sığorta" 4,52 milyon manat toplayıb). "A-Group Sığorta" və "Xalq Sığorta" şirkətləri müvafiq olaraq altıncı yerdən doqquzuncu yerə və səkkizdən ona eniblər. MBASK sığorta şirkəti onuncu yerdən səkkizə qalxıb.
2010-cu ilin yanvar-avqust aylarında ilk on aparıcı sığorta şirkətlərində sığorta haqlarının həcmi ötən ilin analoji dövrü ilə müqayisədə 22,67 milyon manat və ya 21,92 faiz aşağı düşüb.
Ötən ilin analoji dövrü ilə müqayisədə Azərbaycanda fəaliyyət göstərən bütün sığorta şirkətlərinin sığorta haqlarının ümumi həcmi 15,98 faiz (2009-cu ilin yanvar-iyul aylarında 122,67 milyon manat səviyyəsində), ödənişlər 8,89 faiz azalıb (33,94 milyon manat).
Azərbaycan Maliyyə Nazirliyinin yanvar-avqust ayları üzrə hesabatında yeganə təkrar sığorta şirkəti "AzRE"nin fəaliyyətinin yekunları göstərilməyib.
Sentyabrın 24-nə olan rəsmi məzənnə 0,8030 AZN/USD təşkil edir.
