Аzərbaycan, Bakı, 17 dekabr /Trend, müxbir Ü. İsmayılova/
Yanvar-noyabr aylarında Azərbaycanda istismara verilən mənzillərin ümumi sahəsi 1,490 milyon kvadratmetr təşkil edib ki, bu da ötən ilin analoji dövrünə nisbətdə 30,4 faiz çoxdur. Cümə günü Azərbaycan Dövlət Statistika Komitəsindən verilən məlumatda deyilir.
İstehsal olunan obyektlərin tikintisinə 3,916 milyard manat və ya 2009-cu ilin yanvar-noyabr aylarındakı göstəricidən 29,6 faiz çox məbləğ ayrılıb. Xidmət sahəsi obyektlərinin tikintisinə 3,787 milyard manat ayrılıb ki, bu da ötən ilin analoji dövrünə nisbətdə 3,3 faiz azdır.
Bu dövr ərzində əsas kapitala qoyulan ümumi məbləğ il ərzində 15,2 faiz artaraq 7,704 milyard manat təşkil edib. Tikinti-montaj işlərinə ayrılan xərclər 2009-cu ilin 11 ayındakı göstəricidən 9,6 faiz çox olmaqla, 5,073 milyard manat təşkil edib.
Dekabrın 17-nə rəsmi məzənnə 0,7987 AZN/USD təşkil edir.