Azərbaycan, Bakı, 20 yanvar /Trend, müxbir İ.Xəlilova/
2011-ci il ərzində Azərbaycan Qiymətli Kağızlar üzrə Dövlət Komitəsi (QKDK) "Qiymətli kağızlar və fond bazarları haqqında" yeni qanunvericilik aktı üzərində işi başa çatdırmağı planlaşdırır. Bu barədə cümə axşamı Qiymətli Kağızlar üzrə Dövlət Komitəsinin sədri Rüfət Aslanlı deyib. Hazırda ölkədə qiymətli kağızlar bazarı iştirakçılarının fəaliyyəti 1998-ci il 9 sentyabr tarixli "Qiymətli kağızlar haqqında" qanunla tənzimlənir.
"Bu qanun layihəsi 2011-ci il üçün prioritet kimi elan edilib. Bu qanun layihəsi praktiki olaraq Azərbaycanın fond bazarında daha keyfiyyətli sıçrayış üçün əsas olmalı və iqtisadiyyatın bu seqmentini daha effektiv inkişaf etdirməyə imakn verməlidir", - bundan əvvəl Trend-ə Aslanlı deyib.
Hazırda korporativ idarəetmə standartlarının tətbiqi təcrübəsinin genişlənməsi ilə əlaqədar Mülki Məcəlləyə dəyişikliklər hazırlanır. Qanunvericilik bazasının təkmilləşdirməsi istiqamətində qanunaltı aktların təkmilləşdirilməsi üsərində iş davam etdirilit ki, bu da ticarət və post-ticarət hesablamaları üzrə prosedurların sadələşdirilməsini nəzərdə tutur.
Ötən dövr ərzində beynəlxalq standartlaşdırma və qanunvericilik bazasının təkmilləşdirməsi üçün çox ciddi hazırlıq işləri görülüb. Bu günə "İnvestisiya fondları haqqında" qanun qəbul edilib və hazırda gələcəkdə inkişaf etməkdə olan formalaşan bazarlar üçün lazımlı kollektiv investisiya sxemlərinin formalaşdırılmasına və inkişafına imkan verəcək qanunaltı normativ aktların hazırlığı üzrə intensiv iş aparılır. QKDK həmçinin korporativ davranış üzrə səhmdarların və ümumilikdə investorların hüquqlarının müdafiəsi üzrə qanunvericilik bazasının təkmilləşdirməsini praktiki olaraq başa çatdırıb. Cari ildə bu qanun artıq qüvvəyə minəcək.
2011-ci ildə QKDK həmçinin 2011-2020-ci illər üçün qiymətli kağızlar bazarının inkişafına dair dövlət proqramının hazırlanmasına başlayacaq. Dövlət Komitəsinə dövlət proqramının hazırlanması ilə bağlı tapşırıq Azərbaycan Prezidenti İlham Əliyevin 2011-ci dövlət büdcəsinin təsdiq edilməsi haqqında sərəncamında yer alıb. Dövlət Komitəsində artıq proqramın hazırlanması üzrə işə başlanılıb.
Bu prosesə beynəlxalq ekspertlərin köməyi də cəlb oluna bilər.
QKDK Dünya Bankının dəstəyi ilə artıq qiymətli kağızlar bazarının ortatəcili inkişaf strategiyası layihəsinin işlənilməsinə başlayıb. Beynəlxalq ekspertlərin iştirakı ilə layihə çərçivəsində ölkənin fond bazarının tammiqyaslı qiymətləndirilməsi aparılıb. Bunun əsasında özündə tədbirlər planını birləşdirən strateji sənəd hazırlanıb. Ötən ilin oktyabrında hökumətin iqtisadi blokunun nümayəndələrinin iştirakı ilə sənədin geniş müzakirəsi aparılıb.
