Azərbaycan, Bakı, 7 mart /Trend/
Martın 9-dan etibarən "Bakı Fond Birjası" QSC-də (BFB) "TuranBank" ASC-nin ümumi məbləği 2 milyon manat olan səhmlərinin yerləşdirilməsi nəzərdə tutulur. Bu barədə birjanın bazar ertəsi yaydığı məlumatda deyilir.
Emissiya prospektinə hər birinin nominal dəyəri 1000 manat olan 2 min ədəd qiymətli kağız daxildir.
Yerləşdirmənin anderrayteri qismində "Chelsea Capital" MMC çıxış edir.
2010-cu il ərzindəki təkrar kapitallaşma prosesində bankın nizamnamə kapitalı 18,5 milyon manata çatıb. Bankın 25 səhmdarı var ki, onların beşi hüquqi şəxs (21,8 faiz), 20-si fiziki şəxsdir (78,2 faiz).
Martın 7-nə olan rəsmi məzənnə 0,7938 AZN/USD təşkil edir.