İran və İtaliya arasında polad istehsalı zavodunun tikintisi üçün 30 milyon avro dəyərində müqavilə imzalanıb. Bunu İranın Kohgiluyə və Buyer Əhməd əyalət başçısının müavini Əbdülhüseyn Nafiyan deyib. Bu barədə Trend İranın MEHR xəbər agentliyinə istinadən məlumat verir.
Nafiyan zavodun Kohgiluyə və Buyer Əhməd əyalətində tikiləcəyini deyib və əlavə edib ki, İtaliyada 20-dən çox şirkətlə İranda sərmayə yatırmaq və onun perspektivləri barədə müzakirələr aparılıb.
"Biz Milan şəhərində görüşdüyümüz İtaliya şirkətlərinə İranda sərmayə yatırmaq üçün 30 layihəni təqdim etdik. Bu layihələrin ümümi dəyəri 4,5 milyard dolar təşkil edir", - Nafiyan deyib.
İtaliya şirkətlərinə neft, qaz, elektrik stansiyaları, mədən, su elektrik stansiyaları, turizm və sement istehsalı sahəsində sərmayə yatırmaq perspektivləri təqdim olunub.