Azərbaycan, Bakı, 16 mart /Trend, müxbir Ü.İsmayılova/
Azərbaycan Milli Məclisi yaz sessiyası ərzində Tikinti Məcəlləsi layihəsinin fəal müzakirələrinə başlamağı planlaşdırır. Bu barədə çərşənbə günü Parlamentin İqtisadi siyasət komitəsinin rəhbəri Ziyad Səmədzadə bildirib. Azərbaycanda tikinti və şəhərsalma sahələrində münasibətlər vahid məcəllə ilə tənzimlənəcək.
"Bu həll tələb edən çox ciddi məsələdir. Çünki ölkə Prezidenti paytaxtın və şəhərətrafı qəsəbələrin sosial-iqtisadi inkişafı məsələlərinə dair müşavirədə tikinti və şəhərsalma sahələrində problemlərin mövcudluğunu bəyan edib", - Səmədzadə bildirib.
Onun sözlərinə görə, ölkədə xüsusi proqram işlənib hazırlanıb və bu proqramın metodologiyalarından biri yeni məcəllənin əsasını təşkil edəcək.
Sənəd Azərbaycanda tikinti və şəhərsalma sahələrindəki proseslər üzərində nəzarət məsələlərini, "bir pəncərə" sisteminin tətbiqini, tikintiyə icazələrin verilməsi sisteminin sadələşdirilməsi və digər məsələləri tənzimləyəcək.
