Azərbaycan, Bakı, 2 aprel /Trend, müxbir A.Axundov/
Azərbaycan Dövlət Gömrük Komitəsinin (DGK) məlumatına görə, yanvar-fevralda nəqliyyat vasitələri ilə 8,334 milyon ton idxal və ixrac malları daşınıb ki, bu da 2010-cu ilin analoji dövr göstəricisindən 3,53 faiz çoxdur. Bu barədə şənbə günü Trend-ə komitədən məlumat verilib.
Bu dövr ərzində yüklərin ixracı 5,13 milyon ton, idxal isə 1,661 milyon ton təşkil edib.
Yanvar-fevralda dəniz nəqliyyatı ilə 36,554 min ton, dəmiryol - 440,472 milyon ton, avtomobil - 74,02 min ton, hava nəqliyyatı ilə 368 ton yük daşınıb. Stasionar nəqliyyat vasitələri ilə nəql 4,577 milyon ton təşkil edib.
Dəniz nəqliyyatı ilə 225,878 min ton, dəmiryol - 1,18 milyon ton, avtomobil - 248,199 min ton, hava nəqliyyatı ilə 2747 ton idxal edilib.
2011-ci ilin ilk iki ayı ərzində Azərbaycan ərazisindən tranzitlə 1,543 milyon ton yük daşınıb.
