...

Azərbaycanın lizinq şirkətinin portfeli ay ərzində təxminən 8 faiz artıb

Biznes və iqtisadiyyat xəbərləri Materials 19 Aprel 2011 13:47 (UTC +04:00)

Azərbaycan, Bakı, 19 aprel /Trend, müxbir A.Axundov/

2011-ci il aprelin 1-nə olan məlumata görə, Azərbaycanın ən böyük lizinq şirkətlərindən biri "AG Leasing"in portfeli 3,296 milyon manat təşkil edib. Bu göstərici 2010-cu il aprelin 1-də 5,499 milyon manat olub. Bu barədə Trend-ə çərşənbə axşamı şirkətdən deyiblər.

Beləliklə, şirkətin portfeli il ərzində 40 faiz azalıb, lakin ay ərzində 7,94 faiz artıb (martın 1-də bu göstərici 3,053 milyon manat olub).

Aprelin əvvəlinə cəlb edilən lizinq müqavilələrinin ümumi sayı 62-dir, halbuki martın 1-də o 104-ə, ötən il isə 87-ə bərabər olub.

Lizinqə verilən avadanlığın ümumi məbləği 5,636 milyon manat təşkil edib. Bu göstərici 2010-cu il aprelin 1-nə 8,554 milyon manat, 2011-ci il martın 1-nə 5,458 milyon manat olub.

Lizinq portfelinin şaxələndirilməsi 0,92 faiz təşkil edib, halbuki 2010-cu il aprelin 1-nə bu göstərici 0,78 faiz olub.

Lizinq portfelinin həcminə görə "AG Leasing" QSC Azərbaycanın aparıcı lizinq şirkətləri qrupuna daxildir. Şirkətin müştəriləri həm hüquqi, həm də fiziki şəxslər - sahibkarlardır.

"AG Leasing" 2005-ci ildə yaradılıb. Şirkətin nizamnamə kapitalı bir milyon manat təşkil edir. Şirkət əsasən üç sahə üzrə lizinq verir - nəqliyyat, ticarət, tibbi ləvazimatlar. Şirkət lizinqə verilən avadanlıqları 60 ay müddətinə, əvvəlcədən 20 faizdən başlayaraq 50 faizə qədər ilkin ödənişlə və faiz dərəcəsi 20 faizdən 24 faizə olmaqla verir.

Şirkətin kapitalında "AG Bank"ın 35 faiz, "Hiperion Capital Management" - 30 faiz, "Delta Trans LLC" - 25 faiz və "Milio Leasing Limited"in 10 faiz pay hissəsi var.

Aprelin 19-na rəsmi məzənnə 0,7918 AZN/USD təşkil edir.

Xəbər lenti

Xəbər lenti