Azərbaycan, Bakı, 25 may /Trend, müxbirlər N.İsmaylova, A.Axundov/
Azərbaycanda ünvan reyestrinin yaradılması üçün 1 milyon manat vəsait tələb olunur. Bu barədə çərşənbə günü Trend-ə ölkə hökumətindən deyiblər.
"İlkin məlumatlara görə, bu sistemin hazırlanması üçün 1 milyon manat tələb olunur. Gələcəkdə bu məbləğ arta bilər. Ünvan reyestri sisteminin yaradılması üçün çox ciddi proqram təminatı lazımdır, eləcə də gündəlikdə informasiyanın miqrasiya məsələsi durur. Bizim maliyyədən çox, müasir texnologiya və innovasiyalara ehtiyacımız var", - mənbə bildiirb.
Onun sözlərinə görə, layihə Norveç hökuməti ilə müvafiq saziş çərçivəsində qrant və dövlətin hesabına maliyyələşdiriləcək.
"Ünvan reyestrinin yaradılması üçün Azərbaycana 500-550 min dollar məbləğində qrant ayrılacaq, qalan hissə dövlət büdcəsinin hesabına maliyyələşdiriləcək. Bu vəsaitlər artıq hökumət tərəfindən ayrılıb", - mənbə qeyd edib.
