Azərbaycan, Bakı, 10 avqust /Trend, müxbir N.İsmayılova/
İlin birinci yarısında Azərbaycan banklarında milli və xarici valyutalarda kredit və depozitlərin faiz dərəcələrində ciddi dəyişikliklər müşahidə edilməyib. Bu barədə AMB-nin maliyyə sabitliyi üzrə hesabatında deyilir.
İlin birinci yarısının yekunlarına görə, depozitlər üzrə orta faiz dərəcəsi 11 faiz, kreditlər üzrə 16-17 faiz təşkil edib.
Hesabat dövrü ərzində real faiz dərəcəsinin azalması müşahidə olunub. Belə ki, cari ilin iyununda depozitlər üzrə real faiz dərəcəsi ötən ilin müvafiq dövrü ilə müqayisədə 6,2 faizdən 1,9 faizdək azalıb.
Kreditlər üzrə real faiz dərəcəsi il ərzində 11,5 faizdən 7,6 faizədək azalıb.