Azərbaycan, Bakı, 23 sentyabr /Trend, müxbir N.İsmayılova/
2012-ci il ilin ikinci rübündə Azərbaycanda metanol istehsalı yoluna qoyulacaq. Bu barədə cümə günü Trend-də "AzMeCo" şirkətinin idarə heyətinin sədri Nizami Piriyev bildirib.
"2011-ci ilin sonlarında zavodun tikintisi üzrə işlər başa çatdırılacaq, daha sonra start və tənzimləmə işlərinə başlanacaq ki, bu da üç aydan beş ayadək vaxt aparacaq. Hesab edirəm ki, apreldə artıq metanol istehsalına başlanacaq və zavod 2012-ci il ilin iyun-iyulunda 560 min tonluq layihə gücünü yığacaq", - Piriyev deyib.
Onun sözlərinə görə, şirkət atmosferdən karbon qazı tullantılarını yığan qurğunun layihələşdirilməsinə başlayıb. Bu qaz da metanol istehsalı üçün xammal kimi çıxış edə bilər. Bunun sayəsində 2012-ci ilin sonlarında ölkədə metanol istehsalının həcmi ildə 720 min tona çatacaq.
Metanol zavodunun tikintisi layihəsinin ümumi dəyəri 360 milyon dollar təşkil edir və bu gün layihənin maliyyələşdirilməsi artıq başa çatıb.
Bu zavod Cənubi Qafqazda və Orta Asiyada metanol istehsalı üzrə yeganə zavod olacaq.
"AzMeCo" 2007-ci ildə yaradılıb. Şirkət öz portfelinə Xəzər hövzəsindəki beynəlxalq karbohidrogen layihələrinin əlavə edilməsi ilə Azərbaycanın qeyri-neft sektoruna investisiya qoyuluşunun baş planını hazırlayıb.
