...

Azərbaycanda hazır sənaye məhsullarının 3,4 faizi tikinti materiallarının payına düşür

Biznes və iqtisadiyyat xəbərləri Materials 21 Oktyabr 2011 16:03

Trend-i buradan izləyin

Azərbaycan, Bakı, 21 oktyabr /Trend, müxbir A.Axundov/

2011-ci ilin yanvar-sentyabrında Azərbaycanda tikinti materiallarının istehsalı ilə məşğul olan şirkətlər 180,6 milyon manatlıq məhsul istehsal ediblər. Bu barədə cümə günü Trend-ə Dövlət Statistika Komitəsindən məlumat verilib.

Bu müddət ərzində istehsalat müəssisələrində 1036,4 min ton sement, 80,2 min ton tikinti gipsi, 830,6 min ton hazır beton qatışığı istehsal edilib.

Hesabat dövründə 276,7 min ton asfalt, 25,7 min kubmetr tikinti-quraşdırma konstruksiyaları, 169,4 min ton tikinti kərpici istehsal edilib.

2011-ci il oktyabrın 1-nə olan vəziyyətə görə, müəssisələrin anbarlarında 9,6 milyon manatlıq hazır məhsul ehtiyatı yaradılıb ki, bu da ölkə sənayesində hazır məhsulun ümumi ehtiyat həcminin 3,4 faizini təşkil edir.

Oktyabrın 21-nə olan rəsmi məzənnə 0,7869 AZN/USD təşkil edir.

Xəbər lenti

Xəbər lenti