Azərbaycan, Bakı, 5 noyabr /Trend müxbir A.Axundov/
Oktyabrda Bakının təkrar mənzil bazarında fəallıq öncəki aya nisbətdə aşağı olub. Bu barədə şünbə günü Trend-ə "MBA Group" konsaltinq şirkətinin baş direktoru Nüsrət İbrahimov deyib.
"Bu onunla əlaqədardır ki, bir çox potensial alıcılar ipoteka kreditləşməsinin şətrlərinin mümkün yumşaldılmasl ilə bağlı gözləmə mövqeyi tutublar", - İbrahimov bildirib.
Onun sözlərinə görə, fəallığın azalması əməliyyatların sayına və bazardakı qiymətlərə təsir edib.
Oktyabrda təkrar mənzil bazarında təklif 4,2 faiz aşağı düşərək 3882-ə çatıb. Bağlanmış əqdlər 0,9 faiz azalaraq 439-a, ekspozisiya müdddəti isə 0,7 faiz artaraq 136 günə çatıb.
"Təklif portfelində köhnə evlərin payının azalması və yeni tikililərin isə payının artması davam edib", - İbrahimov deyib.
Onun sözlərinə görə, oktyabrda təklif edilən mənzillərin çoxu Bakının Nərimanov (23,1 faiz), Nəsimi (22,7 faiz) və Yasamal (20,7 faiz) rayonlarında yerləşib.
"Təkliflərin böyük hissəsi yeni tikililərdə təmir edilmiş mənzillərdir (1350). Bundan başqa, satışa "Leninqrad" (519) və eksperimental layihəli (489) mənzillər, "xruşovkalar" (417), "stalinkalar" (399) və digərləri çıxarılıb" , - İbrahimov deyib.
Onun sözlərinə əsasən, təkliflər portfelində birotaqlı mənzillərin payı 12,4 faizə, ikiotaqlı mənzillərin payı 36,3 faizə çatıb, portfelin böyük hissəsini isə üçotaqlı (39,7 faiz) mənzillər təşkil edib.