Azərbaycan, Bakı, 8 oktyabr /Trend, müxbir A.Axundov/
Yaxın vaxtlarda Azərbaycanda ipoteka kreditlərinin verilməsi tempi bərpa ediləcək. Bu barədə bazar ertəsi Trend-ə Azərbaycan Mərkəzi Bankının (AMB) baş direktoru Rəşad Orucov deyib.
"Dövlət büdcəsindən sosial ipotekanın maliyyələşdirilməsi üçün Azərbaycan İpoteka Fonduna (AİF) ayrılan vəsait 2013-cü ildə əhəmiyyətli dərəcədə artırılacaq. Bu məsələ ilə bağlı hökumətlə danışıqlar aparırıq", - Orucov qeyd edib.
Onun sözlərinə görə, çox güman ki, gələn il bu məqsədlər üçün dövlət büdcəsində 40 milyon manat nəzərdə tutulacaq. 2012-ci il üçün bu rəqəm 20 milyon manat təşkil edir.
"Bundan başqa, AİF-in özü bazardan pullar cəlb edir və banklar vasitəsilə ipoteka kreditlərini maliyyələşdirir. Hazırda fond yeni vəsaitlər toplayır. Biz güman edirik ki, yaxın vaxtlarda ipoteka kreditlərinin verilmə tempi bərpa olunacaq. Hər şey bunun üçün hansı vəsaitlərin ayrılacağından asılıdır", - Orucov vurğulayıb.
