...

Azərbaycanda qeyri-neft sektoru üçün ciddi potensial var - ekspert

Biznes və iqtisadiyyat xəbərləri Materials 29 Oktyabr 2012 12:34 (UTC +04:00)
Azərbaycan qeyri-neft sektorunun inkişafı tempini nəzərə alaraq, qeyri-neft məhsullarının ixracının inkişafı məqsədilə Avropa ölkələri ilə əməkdaşlıqda maraqlıdır.
Azərbaycanda qeyri-neft sektoru üçün ciddi potensial var - ekspert

Azərbaycan, Bakı, 29 oktyabr /Trend, müxbir C.Nəsibova/

Azərbaycan qeyri-neft sektorunun inkişafı tempini nəzərə alaraq, qeyri-neft məhsullarının ixracının inkişafı məqsədilə Avropa ölkələri ilə əməkdaşlıqda maraqlıdır. Trend-in məlumatına görə, bu barədə Azərbaycan Sahibkarlar Təşkilatları Milli Konfederasiyasının (ASMK) baş katibi Məmmədəli Əfəndiyev bazar ertəsi Bakıda keçirilən sahibkarlar arasında ixrac potensialının inkişafına dair seminarda bildirib.

"Azərbaycanda qeyri-neft məhsullarının inkişafı ildən-ilə artım tendensiyasına malikdir və biz yeni xarici tərəfdaşlar tapmaqda maraqlıyıq. Bu, həm kiçik və orta sahibkarlığın ixrac potensialının, yəni qeyri-neft ixrtacının gücləndirilməsi, həm də Avropa ölkələrinin bu sahədəki təcrübəsini öyrənmək üçün lazımdır", - Əfəndiyev deyib.

Onun sözlərinə görə, Azərbaycanda Ümumdünya Ticarət Təşkilatına (ÜDT) daxil olmaq məqsədilə də işlər görülür.

Seminarda iştirak edən almaniyalı ekspert Henri Zimmermanın sözlərinə görə, Azərbaycanda qeyri-neft sektoru üçün ciddi potensial var. Lakin kiçik və orta sahibkarlar bu sahədə inkişaf etmək üçün hələ çalışmalıdırlar.

Seminarda yerli sahibkarlar, eləcə də Almaniyadan və İspaniyadan olan ekspertlər iştirak ediblər.

Məqalədə:
Xəbər lenti

Xəbər lenti